«Մխիթարյանը Մատայի, Էրերեի, Ռեշֆորդի, Մարսիալի խառնուրդն է». Հիգինբոթամ
«Մանչեսթեր Յունայթեդի» նախկին պաշտպան Դանի Հիգինբոթամը խոսել է մանչեսթերյան ակումբի ներկայիս իրավիճակի մասին և առանձնացրել է հատկապես հայ կիսապաշտպան Հենրիխ Մխիթարյանի խաղը:
Հիգինբոթամը նշել է, որ վերջին շրջանում Հենրիխը հրաշալի է համագործակցում Իբրահիմովիչի հետ: Ըստ ֆուտբոլիստի՝ Մխիթարյանի և Իբրահիմովիչի համագործակցությունն աջ եզրում կարգավորվել է, և դա շատ է օգնում թիմին;
«Մխիթարյանը հրաշալի ֆուտբոլիստ է: Նա շատ կարևոր է թիմի համար: Նա տեմպ է հաղորդում գրոհներին: Նա տվեց թիմին այն, ինչ ոչ ոք չէր կարող տալ:
Մխիթարյանը Մատայի, Էրերեի, Ռեշֆորդի, Մարսիալի խառնուրդն է: Բոլորն էլ առանձին-առանձին լավն են, ունեն լավ տեմպ, բայց Մխիթարյանն ամբողջացնում է նրանց»,- նշել է Հիգինբոթամը:
Սիրարփի Աղաբաբյան
