Հայ առաքելական եկեղեցու Ուկրաինայի թեմի առաջնորդը կգլխավորի խաղաղության աղոթքը
Հայ առաքելական եկեղեցու Ուկրաինայի թեմի առաջնորդ Մարկոս եպիսկոպոս Հովհաննիսյանը կգլխավորի հանուն խաղաղության ամենամսյա աղոթքը, որը կազմակերպել է Սուրբ Էգիդիայի համայնքը: Այդ մասին, հայտնել է քահանա Կարապետ Ղարիբյանը:
«Մարտի 15-ին Սուրբ Ալեքսանդրի տաճարում կկայանա հանուն խաղաղության ավանդական ամենամսյա աղոթքը, որը կազմակերպում է Սուրբ Էգիդիայի համայնքը:
Հրավիրում ենք աղոթել Հայաստանի, Ուկրաինայի եւ աշխարհի բոլոր երկրների
խաղաղության համար»,-ասել է նա:
