![](/banners/BeFunky-design.jpg)
ՌԴ-ում ՀՀ նորանշանակ դեսպանն իր հավատարմագրերի պատճենն է հանձնել ՌԴ ԱԳ փոխնախարարին
![](https://168.am/wp-content/uploads/2017/03/Vardan-Toxanyan.jpg)
ՌԴ-ում ՀՀ դեսպան Վարդան Տողանյանը մարտի 10-ին իր հավատարմագրերի պատճենն է հանձնել ՌԴ արտաքին գործերի նախարարի տեղակալ, պետքարտուղար Գրիգորի Կարասինին:
Ինչպես տեղեկացրին ՀՀ ԱԳՆ մամուլի, տեղեկատվության և հասարակայնության հետ կապերի վարչությունից, շնորհավորելով Վարդան Տողանյանին Ռուաստանում բարեկամ Հայաստանի դեսպան նշանակվելու կապակցությամբ՝ ՌԴ փոխարտգործնախարարը ՀՀ դեսպանին մաղթեց բեղմնավոր գործունեություն՝ հույս հայտնելով, որ ՀՀ դեսպանության արդյունավետ աշխատանքի շնորհիվ հայ-ռուսական հարաբերությունները կշարունակեն զարգացում ապրել և ավելի ամրապնդվել:
Հանդիպմանը քննարկվեցին հայ-ռուսաստանյան դաշնակցային հարաբերությունների օրակարգային հարցեր, անդրադարձ կատարվեց ՀՀ Նախագահի՝ ՌԴ կատարելիք առաջիկա պաշտոնական այցի նախապատրաստական աշխատանքներին: