Բիլ Մյուրեյը երգ է ձայնագրել «աշխարհի ամենավտանգավոր խմբի» հետ
Հոլիվուդյան դերասան Բիլ Մյուրեյը երգ Է ձայնագրել Պոլ Շաֆերի հետ, որը «Շոու Դեւիդ Լեթերմանի հետ» նախագծի երաժշտական տնօրենն է: Happy Street («Երջանիկ փողոց») անվանումով համարի հոլովակը զետեղվել է Rhino ձայնագրող լեյբլի YouTube-ալիքում:
Հոլովակում երաժիշտը հանդիպում է Բիլ Մյուրեյին, որպեսզի նրա հետ քննարկի նրա լավ տրամադրությունը, ինչից հետո դերասանն սկսում Է երգել կյանքի պարզ ուրախությունները վայելելու կարողության մասին:
Երգն առաջին սինգլն է Շաֆերի խմբի՝ The World՚s Most Dangerous Band («Աշխարհի ամենավտանգավոր խումբը») դեբյուտային ալբոմից, որը կթողարկվի մարտի 17-ին:
