Անգելա Մերկելը հարցաքննվել է
Գերմանիայի կանցլեր Անգելա Մերկելը մարտի 8-ին հարցաքննվել է որպես վկա գերմանական Volkswagen ընկերության մեքենայությունների գործի շրջանակում՝ կապված մթնոլորտ արտանետումների ցուցանիշների հետ։
Հարցաքննության ժամանակ Անգելա Մերկելը հայտարարել է, որ առաջին անգամ ընկերության մեքենայությունների մասին իմացել է ԶԼՄ-ներից։ Դրանից հետո Մերկելը կապ է հաստատել տրանսպորտի նախարար Ալեքսանդր Դոբրինդտի հետ՝ սկանդալի հետաքննության նպատակով։
«Ես նրան կոչ արեցի անել հնարավոր ամեն ինչ, որպեսզի լույս սփռվի տեղեկությունների վրա, եթե դրանք դեռ հայտնի չեն»,- ասել է կանցլերը։
Հիշեցնենք, որ կոնցեռնի ավտոմեքենաների վրա տեղադրվել է ծրագրային ապահովում, որը թույլ է տվել մանիպուլյացնել արտանետումների վերաբերյալ տվյալները։
