Վրաստանի քաղաքացիները մարտի 28-ից կարող են ԵՄ գնալ առանց վիզայի
Վրաստանի և ԵՄ-ի միջև վիզային ռեժիմի փոփոխության մասին տեղեկությունը հրապարակվել է Եվրամիության պաշտոնական ամսագրում, կարճատև ուղևորությունների համար առանց վիզային ռեժիմը ուժի մեջ կմտնի հրապարակման օրվանից 20 օր հետո՝ մարտի 28-ին, հայտնում է Վրաստանի ԱԳՆ-ն։
Եվրոպայի խորհուրդը պաշտոնապես հավանության է արժանացրել Վրաստանի քաղաքացիների համար առանց վիզային ռեժիմը փետրվարի 27-ին։
Վրաստանի ԱԳՆ-ի հաղորդմամբ՝ երկրի քաղաքացիները մարտի 28-ից հնարավորություն կունենան առանց վիզայի այցելել ԵՄ կարճատև այցերի նպատակով։
Վրաստանի ԱԳՆ-ն շնորհավորել է բոլոր քաղաքացիներին «նման կարևոր որոշման» կապակցությամբ։
