Սահակ Մինասյանը ընտրվեց ՇՊՀ ռեկտոր
Tsayg.am-ի փոխանցմամբ՝ Շիրակի պետական համալսարանի ռեկտորի ժամանակավոր պաշտոնակատար Սահակ Մինասյանն ընտրվել է բուհի ռեկտոր: Վերջինս այդ մասին հայտարարել է այսօր հրավիրված մամուլի ասուլիսի ժամանակ: Ռեկտորին ընտրել է հոգաբարձուների խորհուրդը, որի կազմում ընդգրկված է եղել 24 անդամ: Սահակ Մինասյանը խոսել է առաջիկա ռազմավարական ծրագրերից ու ներկայացրել բուհի զարգացմանն ուղղված քայլերը: Պետական համալսարանը Սահակ Մինասյանի աշխատանքային գործունեության ընթացքում համալրվել է 9 նոր բաժնով: Նախատեսվում է հզորացնել բուհում գործող լաբորատորիաների հնարավորությունները: Կարվի ամեն ինչ՝ կրթական համակարգն էլ ավելի բարելավելու ուղղությամբ,-վստահեցրել է Սահակ Մինասյանը:
