Հրատարակվել է «Սուրբ գահն ու Օսմանյան կայսրությունում հայերի բնաջնջումը» գրքի իտալերեն տարբերակը
Լույս է տեսել «Սուրբ գահն ու Օսմանյան կայսրությունում հայերի բնաջնջումը» («La Santa Sede e lo sterminio degli armeni nell’impero ottomano») գրքի իտալերեն տարբերակը, որը ներկայացնում է Հայերի ցեղասպանությունը կասեցնելու Վատիկանի փորձերը։
«Գիրքը բաղկացած է հայերի հալածանքների մասին բազմաթիվ հետազոտություններից ու վկայություններից, հիմնական շեշտր դրվել է Վատիկանի դիվանագիտական գործունեության վրա՝ ուղղված ցեղասպանության տարիներին այդ քրիստոնեական ժողովրդի փրկությանը»,- գրում է իտալական LaStampa պարբերականը։
Գիրքը կազմել են Վատիկանի գաղտնի արխիվների հետազոտողներ Վալենտինա Կարախանյանն ու Օմար Վիգանոն, որոնք մանրամասն պատմում են Հռոմի պապի դիվանագիտական ներկայացուցիչ Անջելո Մարիա Դոլչիի մասին, որը փորձել է կասեցնել 20-րդ դարի առաջին ցեղասպանությունը։
Նշվում է նաև, որ գրքի նախաբանը գրել է ծագումով հայ Անտոնիա Արսլանը։
