Հայաստանը այն երկրների թոփ-տասնյակում է, ուր ռուսաստանցիները կգնան՝ դիմավորելու Մարտի 8-ը
Տոմսերի վաճառքի և ամրագրման Skyscanner ծառայության տվյալների վերլուծությունից պարզվել է, որ Մարտի 8-ին Ռուսաստանից ինքնուրույն ճանապարհորդողների 65 տոկոսը կմեկնի արտերկիր, հայտնում է Rusarminfo-ն։
Կանանց միջազգային օրվա տարածված ուղղությունների թվում ներառվել է նաև Հայաստանը, որը պահանջված ուղղություն է ռուսաստանցի զբոսաշրջիկների համար Իտալիայի, Գերմանիայի, Չեխիայի, Վրաստանի, Թուրքիայի հետ միասին։
Ծառայությունը ֆիքսել է նաև հայկական ուղղության նկատմամբ կայուն հետաքրքրություն նաև փետրվարի 23-ի տոնական հանգստյան օրերին։
