Գերմանիայի ԱԳՆ ղեկավարը Թուրքիայի հետ հարաբերությունները որակել է «շատ լարված»
Գերմանիայի ԱԳՆ ղեկավար Զիգմար Գաբրիելը Թուրքիայի հետ ներկայիս հարաբերությունները որակել է «շատ լարված»։ Այս մասին, ինչպես հայտնում է RIA Novosti-ն, այս մասին նա Բրյուսելում ասել է լրագրողներին ԵՄ անդամ երկրների ԱԳՆ և պաշտպանության նախարարների ղեկավարների համատեղ նիստից առաջ։
«Հարաբերությունները շատ լարված են, և մեր խնդիրն է դրանք կարգավորել»,- ասել է Գաբրիելը։
Բեռլինի և Անկարայի միջև հարաբերությունները սրվեցին Ստամբուլում ծագումով թուրք գերմանացի լրագրող Դենիզ Յուջելի կալանավորումից հետո։
Նա կասկածվում է թուրքական իշխանությունների կողմից «ահաբեկչական կազմակերպություններին առնչություն ունենալու, ահաբեկչություն քարոզելու մեջ»։
Գերմանիայի կանցլեր Անգելա Մերկելը պահանջել էր Անկարայից ազատել Յուջելին և հետևել ԶԼՄ-ների ազատությանը։
Երեկ Թուրքիայի նախագահ Ռեջեփ Էրդողանը Բեռլինի ներկայիս քաղաքականությունը համեմատել էր «նացիստների գործողությունների հետ»՝ հարուցելով Գերմանիայում լուրջ դժգոհություններ։
