Բելառուսի վարչապետը կմասնակցի Եվրասիական միջկառավարական խորհրդի նիստին
Բելառուսի վարչապետ Անդրեյ Կոբյակովը այսօր կուղևորվի Բիշքեկ, որտեղ մարտի 7-ին կմասնակցի Եվրասիական միջկառավարական խորհրդի նիստին։ Այս մասին TASS-ին հայտնել է Բելառուսի կառավարության ղեկավարի մամուլի քարտուղար Վլադիսլավ Սիչևիչը։
«Վարչապետը կմասնակցի Եվրասիական միջկառավարական խորհրդի նիստին»,- ասել է մամուլի քարտուղարը։
Սիչևիչը չի բացառել, որ Կոբյակովը Բիշքեկում մի շարք երկկողմ հանդիպումներ կունենա ԵՏՄ-ի անդամ երկրների կառավարությունների ղեկավարների հետ։
Նա չի հայտնել, թե վարչապետերից ում հետ կարող է հանդիպել Անդրեյ Կոբյակովը։
