ՀԱԿ-ՀԺԿ դաշինքն այսօր կքարոզի Արագածոտնում
ՀԱԿ-ՀԺԿ դաշինքն այսօր քարոզարշավ կիրականացնի Արագածոտնի մարզի որոշ բնակավայրերում։ Ինչպես 168.am-ին հայտնեց ՀԱԿ իրավական հարցերով պատասխանատու Արմեն Խաչատրյանը, ժամը 12։30-ին ՀԱԿ-ի ներկայացուցիչները կլինեն Ապարանում, ժամը՝ 14։00-ին՝ Աշտարակում, ժամը 16։00-ին՝ Ուջանում, ժամը 18։00-ին՝ Թալինում։
Ըստ նրա՝ դեռևս կկայանան փոքր ֆորմատով հանդիպումներ, ՀԱԿ փոխնախագահ Արամ Մանուկյանի գլխավորությամբ տարածաշրջանի բոլոր 7 թեկնածուները կհանդիպեն տարածքներում շտաբերի ներկայացուցիչների, ակտիվի, վստահված անձանց հետ։
«Հանրահավաք չի լինի, փողոցում քայլելով նաև մարդկանց հետ կզրուցեն»,- ասաց Ա.Խաչատրյանը։
