Ֆիյոնը հայտարարել է, որ իրեն չեն հարկադրի դուրս գալ նախագահական ընտրարշավից
«Հանրապետականներ» աջ կենտրոնամետ կուսակցությունից Ֆրանսիայի նախագահի թեկնածու Ֆրանսուա Ֆիյոնը հայտարարել է, որ դուրս չի գա նախագահական ընտրարշավից իր ընտանիքի անդամների ֆիկտիվ աշխատավարձերի կազմակերպման մեջ մեղադրանքների պատճառով, որոնք ապագայում կարող են վերածվել նաև քրեական
հետապնդման, տեղեկացնում է BBC-ն:
Հեռուստատեսային հարցազրույցում Ֆիյոնն ասել է, որ ոչ ոք իրեն չի հարկադրի ընկրկել, հատկապես այն բանից հետո, երբ ինքը նոյեմբերին հաղթանակ տարավ փրայմերիզում: Մինչդեռ, կուսակցական առաջնորդները մարտի 6-ին պատրաստվում են հանդիպել՝ որոշելու, թե ինչպես պիտի գործեն այսուհետև: Շատերը կարծում են, որ Ֆիյոնի միակ այլընտրանքը, եթե նա որոշի հանել իր թեկնածությունը կամ եթե նրան հարկադրեն դա անելու, մնում է Բորդոյի քաղաքագլուխ Ալեն Ժյուպեն:
Մարտի 5-ին Փարիզում տեղի է ունեցել Ֆրանսուա Ֆիյոնի կողմնակիցների ընդգրկուն հանրահավաք, որին մասնակցել են տասնյակ հազարավոր մարդիկ:
