Վթար Աշտարակ-Ղազարավան ավտոճանապարհին. տուժածի վիճակը բավարար է
Մարտի 5-ին, ժամը 22:53-ին տեղեկություն է ստացվել, որ Աշտարակ-Ղազարավան ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Այս մասին հայտնում է ՀՀ արտակարգ իրավիճակների նախարարությունը։
Պարզվել է, որ Աշտարակ-Ղազարավան ավտոճանապարհի 5-րդ կմ-ին «ՎԱԶ-21099» մակնիշի 34 FD 132 պետհամարանիշով ավտոմեքենան (վարորդ՝ 1984 թ. ծնված Ա. Ա.) բախվել է գազատար խողովակաշարի սյանը:
Մինչ փրկարարների՝ կանչի վայր հասնելը տուժած՝ 1993 թ. ծնված Գ. Կ.-ը տեղի ուժերով տեղափոխվել է Երևան քաղաքի «Արմենիա» ԲԿ, որտեղ բժիշկները նրա առողջական վիճակը գնահատել են բավարար: Փրկարարները հոսանքազրկել են ավտոմեքենան և փակել գազի բալոնի փականը:
