Ֆրանչեսկո Տոտտին ամռանը կավարտի կարիերան, եթե Սպալետին նրան չտա ավելի շատ խաղային ժամանակ
Լեգենդար հռոմեացին իր ապագայի վերաբերյալ բանակցություններ կվարի «Ռոմայի» սեփականատեր Ջեյմս Սպալոտայի հետ:
Տոտտին դժգոհ է մնացել «Լացիոյի» դեմ Իտալիայի գավաթի խաղում անցկացրած 5 րոպեից և պատրաստ է ավարտել կարիերան, եթե ղեկավարները չերկարաձգեն նրա հետ պայմանագիրը: Ինչպես հաղորդում է Corriere dello Sport-ը, հեռանալու դեպքում 40-ամյա ֆուտբոլիստը պաշտոն կստանա ակումբի համակարգում:
Իտալիայի 2016-17թթ. առաջնությունում Ֆրանչեսկո Տոտտին անցկացրել է 11 խաղ, դարձել է 2 գոլի և 3 փոխանցման հեղինակ:
Տոտտին «Ռոմայի» կազմում հանդես է գալիս 1992 թվականից:
Պատրաստեց Անի Գաբուզյանը
