Ռուս գիտնականները քաղցկեղի բոլոր տեսակների դեմ դեղամիջոց են խոստանում 3-4 տարի հետո
Ռուս գիտնականներն ավարտում են այն դեղային պատրաստուկի մինչկլինիկական փորձարկումները, որն, ինչպես ենթադրվում է, ունակ կլինի պայքարելու չարորակ ուռուցքների դեմ նույնիսկ հիվանդության վերջին փուլում: Բժշկակենսաբանական ֆեդերալ գործակալության Առանձնապես մաքուր պատրաստուկների պետական գիտահետազոտական ինստիտուտի փոխտնօրեն պրոֆեսոր Անդրեյ Սիմբիրցևը հայտնել է «Իզվեստիա» թերթում հրապարակված հարցազրույցում:
Սիմբիրցևի խոսքով՝ կլինիկական փորձարկումները սովորաբար տեւում են երկու-երեք տարի: «Ցավոք, ավելի արագ չի ստացվի. դա լուրջ հետազոտություն է: Այսինքն՝ հաշվի առնելով մինչկլինիկական հետազոտությունների եզրափակիչ փուլը՝ հիվանդները նոր դեղը կստանան 3-4 արի հետո»,- պարզաբանել է պրոֆեսորը: Սիմբիրցևը պատմել է, որ արդեն փորձեր են կատարվել այն մկների և առնետների վրա, որոնց մոտ մելանոմա և սարկոմա էր զարգանում, հաղորդել է ՏԱՍՍ-ը:
