«Ոչ ոք երաշխիքներ չի տվել, որ ՆԱՏՕ-ն չի ընդլայնվելու». Ստոլտենբերգ
Ոչ մի նմանատիպ խոստում կամ համաձայնագիր չկա, ես չեմ կարող դա ձեզ փաստաթղթով ապացուցել, եթե ինչ-որ մեկը ցանկանա տեսնել, հայտարարել է ՆԱՏՕ-ի գլխավոր քարտուղար Յենս Ստոլտենբերգը Le Temps թերթին տված հարցազրույցում։
Նա վստահ է, որ անընդունելի է երաշխիքներ տալ, որ ՆԱՏՕ-ն չի ընդլայնվի։ ՆԱՏՕ-ի գլխավոր քարտուղարը հայտարարել է, որ Վաշինգտոնն ու Մոսկվան իրավունք չունեն բանակցություններ վարել՝ վճռելով, օրինակ՝ Լեհաստանի կամ Էստոնիայի ապագան։
Ստոլտենբերգը չի համաձայնել նրա հետ, որ ՆԱՏՕ-ն հրաժարվի իր կազմում ներառել Ուկրաինային և Վրաստանին։
«Դա բացառապես վտանգավոր կլիներ»,- ասել է նա։
Ստոլտենբերգի խոսքով՝ եթե ՆԱՏՕ-ն համաձայնի իր դռները փակել Ուկրաինայի կամ Վրաստանի առաջ, որպեսզի մեղմացնի հարաբերությունը Ռուսաստանի հետ, ապա դա կնշանակի, որ նա ընդունել է անընդունելին՝ ազդեցության ոլորտների վերականգնում, երբ մեծ պետությունները որոշումներ են կայացնում փոքրերի փոխարեն։
Նրա խոսքով՝ յուրաքանչյուր երկիր իրավունք ունի ընտրել սեփական ուղին։
