Օտտավայի համալսարանում ադրբեջանցիները պղծել են հայ ուսանողների գրությունը
Օտտավայի Կառլտոնի համալսարանի տարածքում ուսանողների հայկական ասոցիացիայի (Armenian Students’ Association/ASA) պատի գրությունը չարագործները պղծել են՝ վրան ամրացնելով «Խոջալուի իրադարձությունների» մասին պաստառներ։
Հայ ուսանողները տեղի ունեցածը բնութագրել են որպես ատելության դրսևորում, ինչի հետ կապված էլ դիմել են Օտտավայի ոստիկանությոն, հայտնում է Carlatan պարբերականը։
Ուսանողների խոսքով՝ ավելի վաղ Կառլտոնի համալսարանի վարչակազմը թույլ չի տվել ադրբեջանցի ուսանողներին տարածել քարոզչական բնույթի պաստառներ ու թերթիկներ ուսանողական հաստատության տարածքում։
ASA-ի գրության մեջ պատկերված են եղել հայերեն տառեր, Հայաստանի խորհրդանիշներն ու տեսարժան վայրերը։
