Լոնդոնի Sotheby՚s-ի աճուրդում վաճառքներից հասույթի ռեկորդ է սահմանվել
Sotheby՚s աճուրդային տունը մարտի 1-ի երեկոյան հասույթի բացարձակ ռեկորդ է սահմանել: Ինչպես հայտնել է Sotheby՚sի մամուլի ծառայությունը, իմպրեսիոնիզմի եէւ մոդեռնիզմի ոճի արվեստի ստեղծագործությունների վաճառքից ստացվել է 194,7 միլիոն ֆունտ ստեռլինգ կամ 240,8 միլիոն դոլար:
«Դա ամենաբարձր գումարն է երբեւէ Լոնդոնում անցկացված ցանկացած աճուրդի համար», ասվածէ Sotheby՚sի հաղորդագրույան մեջ, որն ստացվել է ՏԱՍՍ-ում:
Աճուրդային տունը նաեւ ուշադրություն է հրավիրել այն հանգամանքի վրա, որ հիշյալ աճուրդում հինգ լոտեր վաճառվել են 10 միլիոն ֆունտ ստեռլինգը (12,3 միլիոն դոլարը) գերազանցող գնով: Դրանցից ամենաթանկը եղել ավստրիացի հռչակավոր գեղանկարիչ Գուստավ Քլիմթի
Bauerngarten («Գյուղական այգի») կտավը: Այն վաճառվել է գրեթե 48 միլիոն ֆունտ ստեռլինգով կամ 59,3 միլիոն դոլարով: Sotheby՚sի պնդմամբ՝ դա նկարի համար տրված՝ մեծությամբ երրորդ գումարն է Եվրոպայում արվեստի գործերի աճուրդների ամբողջ
պատմության ընթացքում, որոնք անցկացվել են տարբեր աճուրդային տների կողմից:
Պաբլո Պիկասոյի «Լոլիկներ» նկարը վաճառվել է 17 միլիոն ֆունտ ստեռլինգով (21 միլիոն դոլարով), իսկ Ամեդեո Մոդիլյանիի վրձնի՝ Պիեռ Էդուարդ Բարանովսկու դիմանկարը՝ 16 միլիոն ֆունտ ստեռլինգով (19,8 միլիոն դոլարով):