«Լապշինը իր պահման պայմաններից բողոք չունի». ՌԴ ԱԳՆ
ՌԴ արտգործնախարարության մամուլի խոսնակ Մարիա Զախարովան այսօրվա ճեպազրույցում անդրադարձել է Ադրբեջանում կալանավորված բլոգեր Ալեքսանդր Լապշինի գործին։ Նա հայտարարել է, որ Լապշինը պահվում է Բաքվի քննչական մեկուսարանում, ընթանում է դատական գործընթացի նախապատրաստական աշխատանք, հայտնում է ԱՊԱ գործակալությունը։
«Ադրբեջանում Ռուսաստանի դեսպանատան աշխատակիցները որոշ ժամանակ առաջ հանդիպել են Լապշինի հետ։ Նա չի բողոքում պահման պայմաններից։
Մեր դեսպանատունը մշտապես կապ է պահպանում նրա փաստաբանի, հարազատների, ինչպես նաև Ադրբեջանի գլխավոր դատախազության, այդ երկրի ԱԳՆ-ի, Իսրայելի դեսպանատան հետ»,- ասել է Զախարովան։
