«Իրանը հանդես է գալիս Պակիստանի և Թուրքիայի հետ կապերի ամրապնդման օգտին». Հասան Ռոհանի
Իրանը հանդես է գալիս Պակիստանի և Թուրքիայի հետ կապերի ամրապնդման օգտին, ասել է Իրանի նախագահ Հասան Ռոհանին։ Այս մասին հայտնում է իրանական Mehr գործակալությունը։
Ինչպես նշել է Ռոհանին, ինքն այդ հարցը քննարկել է իր թուրք և պակիստանցի գործընկերների հետ Տնտեսական համագործակցության կազմակերպության անդամների ղեկավարների 13-րդ գագաթաժողովում։
Իրանի նախագահի խոսքով՝ երեք երկրները մեծ հնարավորություններ ունեն կապերի ընդլայնման համար, այդ թվում՝ էկոնոմիկայի և ահաբեկչության դեմ պայքարի ոլորտում։
Տնտեսական համագործակցության կազմակերպության անդամների ղեկավարների 13-րդ գագաթաժողովը կայացել է Իսլամաբադում մարտի 1-ին։
