«Չգիտե՞ք՝ ինչ զեկուցել». Կարեն Կարապետյանը՝ Դավիթ Լոքյանին
ՀՀ կառավարության այսօրվա նիստի ընթացքում տարածքային կառավարման և զարգացման նախարար Դավիթ Լոքյանը երկու հարց ներկայացրեց։ ՀՀ վարչապետ Կարեն Կարապետյանը ձայնը տվեց նախարարին՝ առաջարկելով զեկուցել նշված հարցերը։ Դավիթ Լոքյանն ասաց, որ հարցերից մեկը չզեկուցվող է, բայց Կարեն Կարապետյանն ասաց, որ հարցը զեկուցվողների շարքում է։
«Չգիտե՞ք՝ ինչ զեկուցել»,- կատակեց վարչապետ Կարեն Կարապետյանը։ «Գիտեմ, խնդիր չէ»,- արձագանքեց ՀՀ տարածքային կառավարման և զարգացման նախարար Դավիթ Լոքյանը։
