Ավստրալիայի խորհրդարանի պատգամավորը՝ Հայոց ցեղասպանության և իր հայկական արմատների մասին
Օսմանյան կայսրության տարիներին Հայոց ցեղասպանության ժամանակ դիտավորյալ կերպով ոչնչացվել է հայերի մշակութային ժառանգությունը։ Այս մասին, ելույթ ունենալով Ավստրալիայի խորհրդարանում, հայտարարել է Ավստրալիայի օրենսդրական մարմնի ստորին պալատի ներկայացուցիչ Թիմ Ուիլսոնը։
«Մենք գործ ունենք հայերի ու ողջ ժողովրդի կանխամտածված ոչնչացման հետ։ Այդ տարիներին ոչնչացվել են հայկական ժառանգության ու մշակույթի մասին վկայությունները, այդ թվում՝ արվեստի ու ճարտարապետության իրերը»,- ասել է Ուիլսոնը։
Ավստրալիայի Գոլդստեյնի շրջանի խորհրդարանի ստորին պալատի ներկայացուցչի խոսքով՝ անցած դարասկզբին Օսմանյան Թուրքիայում իրադարձությունները ոչ միայն հանցագործություն են մարդկության դեմ, այլև մշակութային ցեղասպանություն։
Թիմ Ուիլսոնը հայտարարել է, որ 1915թ. Հայոց ցեղասպանությունը իր դեպքում անձնական բնույթ է կրում, քանի որ ինքը քառորդ մասով հայ է։
