Ռուսաստանում Հայաստանի դեսպանատունը՝ տանիքին ամրացված սխալ դրոշի մասին
Հայաստանի Հանրապետության սխալ դրոշ են ամրացրել Մոսկվայում ՀՀ դեսպանության շենքի վրա տեխնիկական ծառայության աշխատակիցները, որոնք մաքրել են դեսպանատան տանիքին կուտակված ձյունը։ Այս մասին Rusarminfo-ին հայտնել են դեսպանատան մամուլի ծառայությունից։
«Ռուսական տեխնիկական ծառայության աշխատակիցները մաքրել են ձյունը դեսպանատան շենքի տանիքից, և մենք խնդրել էինք նրանց դրոշը նորով փոխարինել։
Արդյունքում՝ նրանք սխալ էին թույլ տվել և նորից հրավիրվել են, որպեսզի ուղղեն սխալը»,- հայտնել են մամուլի ծառայությունից։
Մարտի 1-ին Facebook-ում լուսանկար էր հրապարակվել, որտեղ երևում է, որ Հայաստանի դրոշը սխալ է կախված՝ հիշեցնելով Կոլումբիայի դրոշը։
