ԱՄՆ գլխավոր դատախազը բռնվել է Ռուսաստանի հետ շփումների մեջ. The Washington Post
ԱՄՆ նոր գլխավոր դատախազ Ջեֆ Սեշընսը անցած տարի 2 հանդիպում է ունեցել ԱՄՆ-ում ՌԴ դեսպան Սերգեյ Կիսլյակի հետ, սակայն այդ մասին չի հայտնել Կոնգրեսում իր նշանակման հետ կապված լսումների ժամանակ։
Այս մասին գրում է The Washington Post-ը՝ վկայակոչելով ԱՄՆ արդարադատության նախարարությունում իր աղբյուրներին։
Հանդիպումներից մեկը կայացել է սեպտեմբերին՝ սենատորի գրասենյակում։ Դա եղել է մասնավոր զրույց նրա և Կիսլյակի միջև։
«Այդ ժամանակ հենց ԱՄՆ նախագահական ընտրություններում ռուսական կիբերքարոզչության գագաթնակետն էր»,- հիշեցրել է պարբերականը։
Մյուս հանդիպումը կայացել է անցած տարվա հուլիսին։
Հանդիպումների ժամանակ Սեշընսը եղել է զինված ուժերի հարցերով կոմիտեի ազդեցիկ անդամ, ինչպես նաև Թրամփի գլխավոր խորհրդականներից մեկն արտաքին քաղաքականության գծով։
Կոնգրեսում լսումների ժամանակ նա հայտարարել էր, թե «կապ չի ունեցել ռուսների հետ»։
