««Իսկանդերը» կայունացնող դեր է խաղում տարածաշրջանում». Բակո Սահակյան
Արցախի Հանրապետության նախագահ Բակո Սահակյանը հարցազրույց է տվել ռուսական gazeta.ru կայքին: Պատասխանելով Հայաստանում «Իսկանդեր» հրթիռների տեղակայման և ղարաբաղյան հակամարտության վրա դրանց ազդեցության վերաբերյալ հարցին՝ Բակո Սահակյանն ասել է, որ այդ զինքը կայունացնող դեր է խաղում տարածաշրջանում ռազմաքաղաքական հավասարակշռությունն ապահովելու առումով:
Բակո Սահակյանի խոսքով, դրա պատճառը Բաքվի ագրեսիվ և ապակառուցողական քաղաքականությունն է, որի «շնորհիվ» ուժը, ցավոք, տարածաշրջանում խաղաղության և կայունության պահպանման միակ գործուն մեխանիզմն է:
