Ալիևը Պակիստանին շնորհակալություն է հայտնել Հայաստանի հետ դիվանագիտական հարաբերություններ չհաստատելու համար
Այսօր Պակիստանի մայրաքաղաք Իսլամաբադում անցկացվել է Տնտեսական համագործակցության կազմակերպության XIII գագաթաժողովը, որի ընթացքում ելույթ է ունեցել Ադրբեջանի նախագահ Իլհամ Ալիևը, հայտնում է ադրբեջանական ԱՊԱ գործակալությունը՝ վկայակոչելով Ալիևի պաշտոնական կայքին։
Գագաթաժողովի աշխատանքը բացել է Ալիևը, որն իր ելույթի ընթացքում Պակիստանին շնորհակալություն է հայտնել Հայաստանի հետ դիվանագիտական հարաբերություններ չհաստատելու համար։
Նա ընդգծել է, որ Ադրբեջանի և Պակիստանի միջև «եղբայրական ու բարեկամական հարաբերությունները հիմնվում են փոխադարձ վստահության և աջակցության վրա»։
