Արսեն Վենգերը ցանկանում է գլխավորել Մադրիդի «Ռեալը»
«Արսենալի» գլխավոր մարզիչ Արսեն Վենգերն ակումբից հեռանալու դեպքում ցանկանում է գլխավորել Մադրիդի «Ռեալը»: Վենգերի պայմանագիրն «Արսենալի» հետ նախատեսված է մինչև ընթացիկ մրցաշրջանի ավարտը, իսկ ակումբի ղեկավարությունը չի շտապում երկարաձգել համաձայնագիրը ֆրանսիացի մասնագետի հետ:
Վերջերս Վենգերը մերժել է չինական ակումբներից մեկի առաջարկը, որը պատրաստ էր վճարել մարզչին տարեկան 30 մլն ֆունտ, ինչը կդարձներ ֆրանսիացուն աշխարհի ամենաբարձր վարձատրվող մարզիչը: Ավելի վաղ Վենգերը հայտարարել է այն մասին, որ «Արսենալից» հեռանալու դեպքում չի ավարտի մարզչական կարիերան:
Ինչպես գրում է The Telegraph-ը՝ Վենգերի համար նախընտրելի տարբերակը Մադրիդի «Ռեալ» տեղափոխվելն է, որն անցյալում բազմիցս կոնտակտի մեջ է եղել մարզչի հետ այդ հարցով:
Պատրաստեց Անի Գաբուզյանը
