«Դեռ վաղ է թաղել Ռուսաստանի և Բելառուսի Միութենական հանրապետությունը». Բելառուսի ԱԳՆ ղեկավար
Բելառուսի արտաքին գործերի նախարար Վլադիմիր Մակեյը հայտարարել է, որ Բելառուսն ու Ռուսաստանը ունեն ընդհանուր պատկերացում, որ անհրաժեշտ է լուծել խնդրահարույց հարցերը։ Այս մասին նա այսօր հայտարարել է լրագրողներին, հայտնում է TASS-ը։
«Ես նայում եմ Ռուսաստանի հետ երկկողմ համագործակցության զարգացմանը և տեսնում, որ կա ընդհանուր փոխըմբռնում՝ հանգուցալուծել խնդրահարույց հարցերը և առաջ շարժվել»,-ասել է Մակեյը:
Նրա խոսքով՝ «վաղ է թաղել Ռուսաստանի և Բելառուսի Միութենական հանրապետությունը»։
