Հունվարին տնտեսական ակտիվությունն աճել է 6.5%-ով
ՀՀ տնտեսական ակտիվության ցուցանիշը 2017 թվականի հունվարին՝ 2016 թվականի նույն ամսվա նկատմամբ, կազմել է 106.5 (այսինքն՝ տնտեսական ակտիվությունն աճել է 6.5%-ով)։
Ճիշտ է, սա դեռ տարվա սկիզբն է և մեկ ամսվա կտրվածքով դատողություններ անելը այնքան էլ ճիշտ չէ, սակայն 6.5%-ը վատ ցուցանիշ չէ։ Մանավանդ եթե հաշվի առնենք, որ 2016 թվականի հունվարին համեմատության բազան բավականին բարձր էր՝ տնտեսական ակտիվության աճը 4.3% էր։
2016 թվականի դեկտեմբերի նկատմամբ՝ 2017-ի հունվարին տնտեսական ակտիվությունը նվազել է 46.9%-ով, ինչը օրինաչափ սեզոնային տատանում է։
