«Ես միշտ էլ ասել եմ, որ չեմ ցանկանում, որ քաղաքականությամբ զբաղվեն». Գալուստ Սահակյան
Այսօր ԵԿՄ համագումարից հետո Ազգային ժողովի նախագահ Գալուստ Սահակյանն անդրադարձավ իր որդու՝ Կառավարությանն առընթեր Անշարժ գույքի կադաստրի պետական կոմիտեի նախագահ Արման Սահակյանի՝ ՀՀԿ ռեյտինգային ցուցակով առաջադրվելուն:
Նա ասաց, որ դա իր որդու որոշումն է եղել, իսկ ինքը երբեք չի ցանկացել, որ իր որդիները զբաղվեն քաղաքականությամբ. «Ես միշտ էլ ասել եմ, որ չեմ ցանկանում, որ քաղաքականությամբ զբաղվեն, Արման Սահակյանի որոշումն է՝ ինչով կզբաղվի:
Հարցին, թե ինչպե՞ս է աջակցելու իր որդուն, Գ. Սահակյանն այսպես պատասխանեց՝ «Իր օգտին եմ քվեարկելու»:
