Հրդեհ Սասունիկ գյուղում. տնակն ամբողջությամբ այրվել է
Փետրվարի 18-ին, ժամը 00:58-ին տեղեկություն է ստացվել, որ հրդեհ է բռնկվել Արագածոտնի մարզի Սասունիկ գյուղում՝ տնակում: Դեպքի վայր է մեկնել երկու մարտական հաշվարկ: Այս մասին հայտնում է ՀՀ արտակարգ իրավիճակների նախարարությունը։
Պարզվել է, որ հրդեհը բռնկվել է Սասունիկ գյուղի Կարին թաղամասի 19-րդ փողոցում գտնվող տնակում: Հրդեհը մեկուսացվել է ժամը 06:37-ին, մարվել՝ 07:06-ին: Այրվել են կենցաղային իրեր և տնակն՝ ամբողջությամբ (48 քմ):
