Ոստիկանության Աշտարակի անձնագրային բաժանմունքի նախկին պետը՝ ամբաստանյալի աթոռին
Դատարանում է ՀՀ ոստիկանության անձնագրային և վիզաների վարչության Աշտարակի անձնագրային բաժանմունքի նախկին պետի վերաբերյալ քրեական գործը։
Նրան մեղադրանք է առաջադրվել այն բանի համար, որ նա աշխատելով ՀՀ ոստիկանության անձնագրային և վիզաների վարչության Աշտարակի անձնագրային բաժանմունքի պետ, հանդիսանալով պաշտոնատար անձ, տարբեր ժամանակահատվածներում ծառայության նկատմամբ դրսևորել է անբարեխիղճ և անփույթ վերաբերմունք, որի արդյունքում անզգուշությամբ էական վնաս է պատճառվել քաղաքացիների իրավունքներին ու օրինական շահերին, բացի այդ էական վնաս է պատճառվել պետության օրինական շահերին՝ հեղինակազրկվել է պետական մարմինը՝ ՀՀ ոստիկանությունը։
Խափանման միջոց է ընտրվել ստորագրություն չհեռանալու մասին։
