Ռուստամ Գասպարյանը սատարելու է Սեյրան Սարոյանին. «Ժամանակ»
«Ժամանակ» թերթը գրում է. «ԱԺ ԲՀԿ խմբակցության պատգամավոր Ռուստամ Գասպարյանը չի առաջադրվելու առաջիկա ընտրություններին։ Նա պատրաստվում է սատարել Արմավիրում ՀՀԿ տարածքային ցուցակով առաջադրվող Սեյրան Սարոյանին։
Ռուստամ Գասպարյանը աշխատելու է Սարոյանի նախընտրական շտաբում։ «Ժամանակ»-ի հետ զրույցում Ռուստամ Գասպարյանը, ով գտնվում էր Մարտակերտում, չցանկացավ մանրամասնել, թե ինչու չի ցանկանում մասնակցել ընտրություններին։
«Չեմ ուզում և վերջ։ Ցանկություն չունեմ։ Ուրիշ ոչ մի պատճառ չկա»։
Ինչ վերաբերում է Սեյրան Սարոյանին, ապա Գասպարյանը չառանձնացրեց նրան։ «Բոլորն էլ իմ ընկերներն են։ Իմ հնարավորությունների չափով կօգնեմ ու կաջակցեմ բոլորին»,- ասաց նա»:
Ամբողջությամբ կարող եք կարդալ «Ժամանակ» թերթի այսօրվա համարում:
