Դրյու Բերիմորը համաշխարհային երեք ռեկորդ է սահմանել հեռուստաեթերում
Դերասանուհի Դրյու Բերիմորը Ջիմմի Ֆելոնի հետ The Tonight Show-ի եթերի չորս րոպեի ընթացքում հասցրել է սահմանել համաշխարհային երեք ռեկորդ: 22 վայրկյանում նա ներկել է 10 աղջիկների ու տղաների շուրթերը, այնուհետև վազել թղթե տասը բաններների միջով, իսկ հետո փորձել ավելի քան երկու մետր լայնությամբ վիթխարի կեղծամը։
Բերիմորի ռեկորդները գրանցել է Գիննեսի ռեկորդների գրքի ներկայացուցիչը, որը վկայական է հանձնել դերասանուհուն: Մի քանի օրում դերասանուհու կատակային ռեկորդներով հոլովակը ավելի քան 1 մլն դիտում է հավաքել YouTube-ում:
