Թբիլիսիի կենտրոնում հրազենային վնասվածք է ստացել Վրաստանի նախագահի փեսան
Վրաստանի նախագահ Գեորգի Մարգվելաշվիլիի փեսան՝ Մինդիա Գոգոչուրին, երեկ երեկոյան Թբիլիսիի կենտրոնում հրազենային վնասվածք է ստացել, հայտնում է «Ռուսթավի-2» հեռուստաընկերությունը։
Հաղորդագրության մեջ ասվում է, որ Մինդիա Գոգոչուրին, ենթադրաբար, վիրավորվել է հրազենային զենքից։ Իրավապահները փակել են հարակից փողոցները, դեպքի վայր են մեկնել ոստիկաններ ու փորձագետ-կրիմինալիստներ։
Գեորգի Մարգվելաշվիլիի փեսան տեղափոխվել է հիվանդանոց։
Դեռևս հայտնի չէ, թե ով է կրակել։
Հեռուստաընկերությունը հայտնում է, որ Վրաստանի ՆԳՆ-ն արդեն քրեական գործ է հարուցել փաստի առնչությամբ։
