«Իսլամական պետությունը կշարունակի իր ահաբեկչական գործունեությունը Թուրքիայում». թուրքագետ

«Իսլամական պետությունը կշարունակի իր ահաբեկչական գործունեությունը Թուրքիայում». թուրքագետ

Արևելագիտության ինստիտուտի տնօրեն, թուրքագետ Ռուբեն Սաֆրաստյանն այսօր լրագրողների հետ հանդիպման ընթացքում ներկայացրեց, թե ինչպիսի Թուրքիայի հետ ենք գործ ունենալու այս տարի: «Թուրքիան փոխվում է, և այդ փոփոխությունները բավականին սրընթաց են տեղի ունենում: Փոփոխությունների կենտրոնում գտնվում է Թուրքիայի նախագահը՝ Էրդողանը, որը որպես քաղաքական գործիչ և որպես անհատականություն՝ շատ անկանխատեսելի է: Նախորդ տարի Թուրքիայում սկսվեց ահաբեկչական գործողությունների կտրուկ աճ, ինչը պայմանավորված է Թուրքիայի վարած արտաքին քաղաքականությամբ:

Այսինքն՝ տարիներ շարունակ Թուրքիան աջակցություն ցույց տվեց «Իսլամական պետությանը», ներգրավեց նրան ահաբեկչական գործունեության մեջ և վերջին մեկ տարվա ընթացքում փոխեց իր քաղաքականությունն այդ կազմակերպության նկատմամբ: Դա առաջացրեց «Իսլամական պետության» հակազդեցությունը: Կարելի է կանխատեսել, որ «Իսլամական պետությունը» կշարունակի իր ահաբեկչական գործունեությունը Թուրքիայում»,- հստակեցրեց թուրքագետը:

Ըստ Սաֆրաստյանի՝ հնարավոր է, որ Թուրքիայի անվտանգության ծառայության որոշ հատվածներ համագործակցում են «Իսլամական պետության» հետ. «Տարիներ շարունակ Թուրքիայի հատուկ ծառայությունները եղել են «Իսլամական պետության» հետ ամենասերտ համագործակցության մեջ, և կարելի է ենթադրել՝ այդ համագործակցության արդյունքն է նաև այն, որ Թուրքիայի անվտանգության ծառայության որոշ հատվածներ թույլ են տալիս, որ նման ահաբեկչական գործողություններ տեղի ունենան:

Փաստերը վկայում են, որ, օրինակ՝ «Ռեյնա» ակումբի ահաբեկչության դեպքում մեկ շաբաթ առաջ ստացվել է շատ հստակ տեղեկություն, որ պետք է հարձակում տեղի ունենա անհատ ահաբեկչի կողմից, և ոչ մի միջոց չի ձեռնարկվել»:

Թուրքագետի ընդհանուր մոտեցումն այն է, որ 2017-ին իրադրությունը Թուրքիայում ավելի է սրվելու:

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-06-08
«Ո՛չ Հայաստանի, ո՛չ Ադրբեջանի հաղթանակն այս հակամարտության մեջ ոչ մի դեպքում Պուտինին չի գոհացնում»
«Ձեր հույսերը, որ Մոսկվան չի հակառակվի այդ փաստաթղթին, զուր են։ Մոսկվան կդժգոհի և ամենակտրուկ ձևով կխոչընդոտի դրա ստորագրմանը»։