Վարշավայում այսօր բողոքի ցույցեր են նախատեսվում
Ողջ Լեհաստանից Վարշավա են ուղևորվում ոստիկանության մոտ 500 աշխատակիցներ, հայտարարել է Վարշավայի ոստիկանության մամուլի քարտուղար Մարիուշ Մրոզեկը, տեղեկացնում է Լեհական ռադիոն:
Նշվում է, որ ոստիկանները մայրաքաղաք են ուղևորվում այսօր Վարշավայում կայանալիք բողոքի ակցիայի պատճառով, որը պետք է տեղի ունենա Սահմանադրական դատարանի և ֆուտբոլային մարզադաշտի հարևանությամբ:
Ոստիկանությունից ընդգծել են, որ ցույցի սպասարկման համար անհրաժեշտ է 700 իրավապահ:
Նախօրեին Վարշավայում ցուցարարները արգելափակել էին խորհրդարանը: Ավելի վաղ խորհրդարանի ընդդիմադիր պատգամավորների խումբը կաթվածահար էր արել խորհրդարանի աշխատանքը Սեյմի այս տարվա վերջին նիստում:
Ընդդիմադիրները դեմ են հանդես եկել լրագրողների մասին օրենքի փոփոխությանը:
