«Արմեն Երիցյանի մահը մեծ կորուստ է բոլորիս համար». Հովիկ Աբրահամյան
ՀՀ նախկին վարչապետ Հովիկ Աբրահամյանը ֆեյսբուքյան իր էջում գրում է. «Սրտի խոր ցավով տեղեկացա պետական-քաղաքական գործիչ, ՀՀ Արտակարգ իրավիճակների նախարար Արմեն Երիցյանի մահվան մասին:
Կյանքից հեռացավ Հայաստանի կյանքում նշանակալի հետք թողած գործիչ, ով մշտապես իր պրոֆեսիոնալիզմն ու գիտելիքները, եռանդն ու փորձը ծառայեցրեց մեր երկրին ու պետությանը, եւ պատահական չէ այն մեծ հեղինակությունն ու հարգանքը, որ նա ունի հասարակության մեջ:
Արմեն Երիցյանի մահը մեծ կորուստ է բոլորիս համար: Խորին ցավակցությունս եմ հայտնում եւ անկեղծորեն վշտակցում բոլոր հարազատներին, մերձավորներին, ընկերներին ու ողջ հայ ժողովրդին»:
