Կրիշտիանու Ռոնալդուն մեկ տարվա ընթացքում վաստակել է ավելի շատ, քան «Միլանը»
Ուրբաթ Կրիշտիանու Ռոնալդուի ներկայացուցիչները հրապարակել են խաղացողի վերջին մեկ տարվա ընթացքում ստացած եկամուտների տվյալները՝ ի պատասխան հարկերից խուսափելու մեղադրանքներին:
Հաշվետվությունից պարզ է դառնում, որ 2015 թվականին պորտուգալացին վաստակել է 227.5 մլն եվրո: Ռոնալդուի տարեկան եկամուտը գերազանցում է եվրոպական որոշ թոփ-ակումբների եկամուտները, այդ թվում՝ «Միլանի»:
Ինչպես հաղորդում է Sky Sports-ի լրագրող Կավե Սոլեկոլը, «ռոսսոներիները» 2015 թվականին վաստակել են 198.8 մլն եվրո. գրեթե 30 մլն քիչ, քան Ռոնալդուն:
Պատրաստեց Անի Գաբուզյանը
