Նիգերիայում շուկան պայթեցնելու համար օգտագործել են 7-8 տարեկան մահապարտ աղջիկների
7-8 տարեկան երկու աղջիկներ պայթանյութով հանդերձված գոտիներ են գործի դրել Նիգերիայի Բոռնո հյուսիսարեւելյան նահանգի Մայդուգուրի քաղաքի շուկայում: Զոհվել է առնվազն մեկ մարդ, եւս 18-ը վերքեր են ստացել, տեղեկացնում է BBC-ն:
Պայթյունները տեղի են ունեցել մի քանի րոպեի տարբերությամբ: Այդ ժամանակ շուկայում շատ գնորդներ են եղել: Երկու աղջիկներն էլ պայթյուններից զոհվել են:
Առայժմ ոչ ոք չի ստանձնել պայթյունների պատասխանատվությունը: Հայտնի է, որ «Բոկո հարամ» նիգերիական խմբավորումն ավելի վաղ քանիցս երեխաներին օգտագործել է որպես մահապարտներ:
