Իրանը ռեկորդային գործարք է կնքել Boeing-ի հետ

Իրանական պետական Iran Air ավիաընկերությունը ամերիկյան Boeing ավիակոնցեռնի հետ կնքել է 80 ինքնաթիռի մատակարարման պայմանագիր։ Պայմանագրի ստորագրումը տեղի է ունեցել Թեհրանում, հայտնում է Reuters-ը։

Գործակալության տվյալներով՝ Iran Air-ը 10 տարում կստանա 50 հատ Boeing 737 և 30 Boeing 777 ինքնաթիռ։

Պայմանագրի ընդհանուր արժեքը կազմում է 16.6 մլրդ դոլար։ Դա ԱՄՆ-ի և Իրանի միջև խոշորագույն գործարքն է Իրանի Իսլամական հեղափոխությունից ի վեր։