«Թուրքիան մինչև վերջ կպայքարի ահաբեկչության դեմ». Էրդողան
Թուրք ժողովուրդը չպետք է ոչ մի կասկած ունենա նրանում, որ մենք մինչև վերջ պայքարելու ենք ահաբեկչության դեմ, հայտարարել է Թուրքիայի նախագահ Ռեջեփ Էրդողանը Ստամբուլում։ Այս մասին հայտնում է «Անադոլու» գործակալությունը։
Դեկտեմբերի 11-ին Թուրքիայի նախագահն ու վարչապետ Բինալի Յըլդըրըմը մասնակցել էին Ստամբուլում ահաբեկչության որոշ զոհերի հուղարկավորությանը։
Կապված Ստամբուլի Բեշիկթաշ շրջանի Vodafone Arena մարզադաշտի մոտ տեղի ունեցած պայթյունի հետ՝ Թուրքիայում մեկօրյա համազգային սուգ էր հայտարարվել։
Վերջին տվյալների համաձայն՝ ահաբեկչության զոհերի թիվը 39 է։
