Երևան-Մեղրի ավտոճանապարհին ավտոմեքենաներ են բախվել. կա տուժած
Նոյեմբերի 29-ին, ժամը 21.28-ին տեղեկություն է ստացվել, որ Երևան-Մեղրի ավտոճանապարհի 132-րդ կմ-ին տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ և մարզային փրկարարական վարչության օպերատիվ խումբը:
Պարզվել է, որ Մ-2 ավտոճանապարհին իրար են բախվել «Mitsubishi Pajero iO» մակնիշի 35 AF 400 (վարորդ` 1977 թ. ծնված Ա. Հ.) և «Scania» մակնիշի 19 B 83310 (վարորդ՝ 1967 թ. ծնված Ն. Ս. Յ., ԻԻՀ քաղաքացի) պետհամարանիշներով ավտոմեքենաները:
Մինչ փրկարարների՝ կանչի վայր հասնելը Ա. Հ.-ը տեղափոխվել է Եղեգնաձորի ԲԿ, որտեղ բժիշկները տոււժածի առողջական վիճակը գնահատել են միջին ծանրության:
Փրկարարները հոսանքազրկել են ավտոմեքենաները և փակել «Mitsubishi Pajero iO» մակնիշի ավտոմեքենայի գազի բալոնի փականը:
