Շտայնմայերը հայտարարել է մոտակա շաբաթներին ԴԱԻՇ-ից Մոսուլի հնարավոր ազատագրման մասին
Գերմանիայի արտգործնախարար Ֆրանկ-Վալտեր Շտայնմայերը հայտարարել է, որ Իրաքի Մոսուլ քաղաքը կարող է ազատագրվել ԴԱԻՇ-ի զինյալներից մոտակա շաբաթներին։ Այս մասին հայտնում է TASS-ը։
Քաղաքական գործիչը հիշեցրել է, որ նոյեմբերի 21-ին Բեռլինում հանդիպել է իրաքցի իր գործընկերոջ հետ։ Հանդիպման ընթացքում նրանք քննարկել են այդ բնակավայրի վերականգնման ապագա քայլերը։
«Մենք խոսել ենք այն մասին, թե ինչ անել այն բանից հետո, երբ քաղաքը, որը հուսով ենք, կազատագրվի ԴԱԻՇ-ից մի քանի շաբաթ անց»,- պատմել է Շտայնմայերը։
