Ադրբեջանական բանկերի մեծ մասը դադարեցրել է արտարժույթի վաճառքը
Ադրբեջանական contact.az պորտալի հաղորդմամբ՝ դոլարի փոխարժեքի աճի ֆոնին դարձյալ ակտուալ է դարձել արտարժույթի պակասուրդը ադրբեջանական բանկերում։
Turan-ի հարցումների համաձայն՝ բանկերի մեծ մասը դարձյալ դադարեցրել է արտարժույթի վաճառքը։
Նշվում է, որ դեռևս հոկտեմբերին փորձագետները կանխատեսել էին տարեվերջին ամերիկյան արժույթի փոխարժեքի աճ։
Նոյեմբերի 22-ին արժութային աճուրդում դոլարը սահմանվել էր 1.7146 մանաթի մակարդակում։
Փորձագետները կանխատեսում են, որ մինչև տարեվերջ դոլարի փոխարժեքը կբարձրանա՝ հասնելով մինչև 1.80-1.85 մանաթի։
