Էրդողանը կարող է ղեկավարել երկիրը մինչև 2029 թվականը. The Guardian
Թուրքիայի նախագահ Ռեջեփ Էրդողանը ունի բոլոր հնարավորությունները՝ իշխանության ղեկին մնալ մինչև 2029 թվականը, ինչին կնպաստեն երկրի Սահմանադրությունում հնարավոր փոփոխությունները, գրում է The Guardian-ը։
Իշխող «Արդարություն և զարգացում» կուսակցությունը մտադիր է ներկայացնել օրինագիծ՝ հանրաքվե անցկացնելու վերաբերյալ, որը թույլ կտա Էրդողանին նախագահել մինչև 2029թ.։
Փաստաթուղթը նախատեսում է, որ վարչապետի պաշտոնը կարող է վերանալ, իսկ նախագահը կունենա երկու տեղակալ, ինչպես նաև որոշումներ կայացնելու մեծ իշխանություն։
Ընդդիմադիր կուսակցությունները հայտարարում են, որ չեն աջակցի այդ փոփոխություններին։
Էրդողանը մտադիր է նախագահի պաշտոնում առաջադրվել 2019թ.։
Ներկայիս Սահմանադրությամբ նա երկիրը կարող է ղեկավարել մինչև 2024թ.։
