Եվրոպայի քրդերը բողոքի երթ են իրականացրել Բրյուսելում
Եվրոպական տարբեր երկրներից Բելգիա ժամանած Քրդստանի բանվորական կուսակցության (PKK) հետեւորդները Բելգիայի մայրաքաղաք Բրյուսելում բողոքի երթ են իրականացրել: Այս մասին հայտնում է թուրքական haberler.com լրատվական կայքը:
Երթին մասնակցել են նաեւ Թուրքիայում գործող քրդամետ Ժողովուրդների դեմոկրատական կուսակցության (HDP) փախստականի կարգավիճակով Եվրոպայում ապաստանած ներկայացուցիչները:
Ակցիայի մասնակիցները իրենց բողոքն են հայտնել Թուրքիայի իշխանությունների կողմից PKK-ի եւ HDP-ի դեմ իականացվող հետապնդման քաղաքականության դեմ:
Թուրքիայի քրդամետ Ժողովուրդների դեմոկրատական կուսակցության համանախագահներ Սելահաթթին Դեմիրթաշը և Ֆիգեն Յուքսեքդաղը, ինչպես նաև կուսակցության անդամ ևս 9 պատգամավոր նոյեմբերի 4-ին ձերբակալվել էին, ինչը աշխարհում մեծ արձագանք էր գտել:
Արդեն մի քանի ամիս է Թուրքիայի տարբեր շրջաններում Թուրքական ԶՈՒ-ի եւ Քրդստանի բանվորական կուսակցության (PKK) մարտիկների միջեւ ռազմական գործողություններ են ընթանում:
