Գերմանիայի իշխող կոալիցիան Շտայնմայերին պաշտոնապես առաջադրել է նախագահի թեկնածու
Գերմանիայի իշխող կուսակցության առաջնորդները երկրի արտգործնախարար Ֆրանկ-Վալտեր Շտայնմայերին առաջադրել են նախագահի պաշտոնի թեկնածու։
Ինչպես հայտարարել է Գերմանիայի կանցլեր Անգելա Մերկելը, Շտայնմայերը միակ իդեալական հավակնորդն է, որին վստահում է գերմանացիների մեծ մասը։
«Նա մարդ է, որին կարելի է վստահել, նրա փորձը, աշխարհի վերաբերյալ նրա գիտելիքները, այդ ամենը նրան լավ թեկնածու են դարձնում նախագահի պաշտոնի համար»,- ասել է նա։
Իր հերթին, Սոցիալ-դեմոկրատական կուսակցության նախագահ Զիգմար Գաբրիելը, իր աջակցությունը հայտնելով կուսակցին, ընդգծել է, թե երկրի ղեկավարի պաշտոնում նա կնպաստի գերմանական հասարակությունում երկխոսությանը։
«Ես վստահ եմ, որ այդ վստահությունն անհրաժեշտ է հենց հիմա՝ փոփոխությունների ժամանակ»,- նշել է նա։
Անձամբ Շտայնմայերը հայտարարել է, որ «մտադիր է իր վրա պատասխանատվություն վերցնել»՝ կապված երկրի ղեկավարի պաշտոնն ստանձնելու հետ։
