Դիզայներները գունափոխվող զգեստ են ցուցադրել
ShowPo ընկերությունն ստեղծել է զգեստ, որի գույնը կարելի է փոխել՝ հարկավոր երանգն ընտրելով iPad-ի ներկապնակից: Այդ մասին նոյեմբերի 3-ին հաղորդել է Metro-ն:
Ցանցում հայտնվել է մի տեսանյութ, որտեղ հագուստի առանձնահատկությունները ցուցադրել է ընկերության գլխավոր տնօրեն Ջեյն Լուն: Խցիկի օբյեկտիվում պատկերված աղջիկը ցնծություն է ապրում գույնի ամեն մի փոխվելուց հետո: Նման զգեստների զանգվածային արտադրության կազմակերպման հեռանկարների մասին առայժմ ոչինչ չի հաղորդվել:
Դիզայներները ստույգ բացատրություն չեն տվել, թե իրենց հատկապես ինչպես է հաջողվել հասնել այդ արդյունքին: Օգտատերերի համար սա առիթ է դարձել կասկածելու տեսանյութի իրական լինելուն, ոմանք կարծում են, որ այն ֆեյք է:
